الرئيسية
أحدث الصور
التسجيل
دخولراديو بادشاه
المواضيع الأخيرة
أفضل 10 أعضاء في هذا المنتدى
| Paposhka |
| |||
| Dil Se |
| |||
| اشواريا راى |
| |||
| mado |
| |||
| MONY SRK |
| |||
| alsaraa mohamed |
| |||
| زوزو |
| |||
| روسان |
| |||
| rokikaka |
| |||
| reham |
|
تويتر شهر 3 من البداية مترجم
2 مشترك
صفحة 1 من اصل 1
تويتر شهر 3 من البداية مترجم
من طرف Paposhka الإثنين يونيو 07, 2010 4:01 am
[center]
اهلا يا احلى ناس ..
طبعا بعد ما شارو بقى موجود على تويتير لازم نمشي و راره و ناخد اخباره اول باول على لسانه ... حتى هنوضح اي حاجه هو بيتكلم عنها !
كمان ملحوظه : بين الاقواس اضافات من عندي للتوضيح
مبدئيا ملف شارو على تويتر تقدر تشوفوه من غير اشتراك :
اهلا يا احلى ناس ..
طبعا بعد ما شارو بقى موجود على تويتير لازم نمشي و راره و ناخد اخباره اول باول على لسانه ... حتى هنوضح اي حاجه هو بيتكلم عنها !
كمان ملحوظه : بين الاقواس اضافات من عندي للتوضيح
مبدئيا ملف شارو على تويتر تقدر تشوفوه من غير اشتراك :
Twitter /Iamsrk
..
اول تويته قال انه كان قافل على نفسه شويه بيكتب و يقرا في المكتبه بتاعته وانه في 2 كتابين من كتبه يمكن ماتو من ضيق التنفس ! كان بيدخن بشراهه اكيد لدرجه انه ماحسش انه النهار بقى ليل !
و طبعا بكل ذوق منه بيعتذر بقالو يومين ما دخلش تويتر عشان يكلمنا ..كان دماغه مثقله بالافكار و بيقلب الافكار في دماغه و الوقت سرقه !
قصة شعر جديد للدور في ار ايه وان (فيلمه الجديد مع كارينا كابور) و اكيد واضح انه التسريحه من الكوافير بتاعه قبل التصوير هيبدأ تصوير قريب ان شا ءالله .
اكيد (KKR= Kalkuta Knight Riders) ده اختصار لاسم فريق الكركيت المملوك من شارو بيقول عن كل لاعيبه الفريق متشويقين انه البطوله(دوري الكريكيت في الهند يعني هو ممكن يكون اكبر من دوري كره القدم عندنا لان كل المهتمين بالكريكيت في العالم كله بيتابعوه لانها بطوله كبيره جدا و فيها لاعيين من العالم كله مش هنود بس ! ) يبتدي و هيكونو في مومباي قريب و حتى شارو متشاق يشوفهم ..
ايوه يا جماعه شحعو الفريق و صلو ليهم انا تعبت قوي و زعلت لما بنخسر و احنا خدنا نصيبنا في السنتين الاخيرين و حان الوقت عشان نكسب !
مع نيتن موكيش في فيلم فير (يقصد الممثل نيل نيتن موكيش ) كانت نكته حلوة جدا و تعليق ..كانت متعه هتشوفها كلكم لما تتعرض الحفله .
ايوه جيال هيلعب (اسم لاعب في فيريق الكريكت بتاعه) و الغي المؤتمر الصحفي في نيو جيرسي الى اخره كأن في مشكله مع قنوات الاخبار و الدوري الهندي للكريكيت.
الاحترام ياتي من داخلك نحن نصنع القواعد في اناا لا نسخر من انفسنا و نأخذ انفسنا بجديه شديده (تهكم! )
و الناس في بعض الاحيان يتضايقون عندما نضحك عليهم و لذلك حولنا العرض عندما يضحك الجمهور علينا و ينتقدنا
و نحن نفهمها بشكل جيد ! (يقصد انه هو خلى نفسه مكان الجمهور عشان يتريقو عليهم براحتهم و هما مش مشكله بالعكس هياخدها )
اكيد مش هاعرف اكتب الكتاب هنا ياجماعه (كان بيقول انه قبل كده انه بيكتب كتاب عنه جديد) بس ممكن ابعت لكم فقره
عن عمليه رقبتي (الاصابه اللي كانت عنده ) و كتابي غالبا هيكون ظريف و مفرح .
دلوقتي عندي شريحه تيتانيوم في رقبتي و لكن ليس كأنني لدي حلق في مكان ما ..ولكن كأني نجمم روك بطريقه خاصه
والفيلم الجديد بتاع ار ايه وان هيتصور في لندن و مومباي هنبتدي في قوا و بعدين مومباي كام شهر و بعدين نرجع لندن تاني لشهرين .
الاحجار في الفيلم اسمي خان زي عاده ملازمه البطل ..كتير من مرضى التوحد بيكون عندهم عاده ملازماهم (يقصد حركه معينه ملازماهم) و في المسجد دلاله للمسلمين لما بيرمو ا لشيطان بالحجاره.
طيب دلوقتي ابعتولي جمله تبقى افتتاحيه في البوستر بتاع الفيلم ار اي وان جمله لبطل خارق روش (مش لا فيه معنى تاني لكول غير ده ) و الفائز هياخد بوسه على الهوا ..
بسسسسسسسس وقفوا (طبعا ماكانش ملاحق من الرسايل و الافكار) ما قدرش استحمل كل سيل الافكار الرائعه المبتكره دي منكم كلكم ..وكلكم تستاهلو بوسه لانكم لطاف جدا.
وو انا هانام دلوقتي و لما هاصحى هفكر اختار جمله ..بحبكم كلكم عشان الصحبه الجميله لحد ما نتقابل تاني ..
6/3/2010
[center][center]اهلا يا حلوين ..عوده مره اخرى مع شارو على تويتر ظهر النهارده
في غير ميعاده شكله نام بدري ..
طيب نبيتدي
زوجتي خدتني معاها اعمل اقنعه للعنايه بالبشره للمرة الثالثه في حياتي ...اشعر اني جميل حتى بنتي مسكن ايدي عشان ما احس اني غريب !
كلكتا رايدرز (فريق الكريكت بتاعه ) التي شيرت بتاعهم متوافر في محلات ريبوك كمان في نفس المحلات في برضه لاسمي خان و عليها رسايل من الفيلم .ابقو شوفوها ريبوك عاملين شغل كويس.
بس قفلت عيوني و حسيت بحاجات كتير ظريفه و مبلوله على وشي (بيحكي عن نفسه و الاقنعه بتاعة البشره ) خليت عقلي مسترخي و فكرت في حاجات حلوه اعملها في ارجون رامبال في ار ايه وان (الفيلم الجديد)
ايوه صحيح ..موقف دمه خفيف جدا ! بس هنعمل ايه الراجل لازم يعمل اللي عليه ! (بيحكي عن انه راح يعمل اقنعه لوشه و انه ازاي راح يعمل كده )
ايوه طبعا ارجون رامبال طبعا في الفيلم ..ايه مش عارفين !
طيب بعد الماسكات دي قالولي اني هكون بالشكل ده بالضبط بس ..مع اختلاف المناخير بس ! هههههه
) [b]
عشان تفضل شكلك شباب كل اقل و ادرب والعب رياضه اي نوع انت بتحبه الفكره انك تبذل مجهود و تعرق ..فكر في الحاجات الكويسه و فكر و اتصرف زي الاطفال دائما !(يقصد ما تشيلش هم كانك طفل لسه في الدنيا )
عاده مش بتعصَب و اذا حصل ..انا بسكت و اخد جنب ..و بعد فتره انا بنسى انا كنت متضايق ليه ...انا عارف نوع من العبط
لا مافيش بيني و كاجول مشروع فيلم مع بعض قريب بس دايما من الرائع العمل معاها .
ايوه هاكون في كلكتا يوم 14 مارس ...هنشجع و نعلي صوتنا عشان نخلي فريقنا مبسوط ..كل البنات و الشباب من كلتكلكتا كونو هناك لو سمحتو ...
اكون (مغني امريكي ال RNBالمشهور )انسان جميل و فعلا هو جاي بعد كام يوم هو والفري بتاعه عشان يسجلو لايه ار وان ..انا متشوق جدا للموضوع ده و فريقه ظراف جدا.
قاعد انا و سوهانا (بنته ) بنشوف كورالين الفيلم (فيلم اطفال ) هكون معاكم يا جماعه بعدين سلام
عندي سلام داخلي مع نفسي .كارن كلمني و قال لي قد ايه اسمي خان بقى فيلم ناجح و كبير .شكرا ليكم كلكم من اعماق قلبي عشان بتخلونا سعداء .
العلاقات بين الناس هي علاقات مميزه بالنسبه لهم و لعملهم .ومن نحن حتى نحكم على اي من افعال الناس امام المجتمع .
خلاص هنطلق كلكتا كنايت رايدر (الفريق بتاعه ) برعايه نوكيا بكره .وقررت النهارده اقرا الرسايل اللي في موبايلي لانها بتتراكم عندي في التليفون لدرجه انه خلاص الذاكره خلصت ..بعض من الرسايل مجنونه !
ار ايه وان و الكلام عنه لما تبدا الدعايه له ..بدري قوي نتكلم عليه دلوقتي بس وعد هاعرفكم بكل حاجه في الاول خالص
و حتى الشكل و كده ..
ايوه فرح مخرجه كويسه قوي و كل فيلم بتعمله كويس ..بتمنى لها هي و جوزها كل التوفيق في تيس ماار (اسم فيلم فرح خان الجديد) هي دايما مبدعه ...
لسه كنت بقرا جملتي الحواريه في الموقع بتاع التصوير شكلي كده عندي ذاكره كويسه للجمل بتاعة الحوار كمان في الهندي في الاوردو و ده كويس للافلام ..و ده سهل جدا !
حلقات الحياه مع سوبر ستار بتيجي كل جمعه ...افتكر هما 10 اسابيع ل 10 حلقات مختلفين لمواضيع مختلفه و كده ..اتمنى تعجبكم ...
كارونا الجميله (مديرة مكتبي ) هتفكرني بكل الشغل اللي ورايا عشان اخد فلوس ! يلا اشوفكم بكره بحكم و نور ليكم كلكم ...
و اخيرا لبست تي شيرت فريق الكريكت بتاع ريبوك الرسمي لونه بنفسجي غامق مع انطلاق رعايه نوكيا .شكلهم حلو قوي ابني رايه انهم مش رجوليين بما فيه الكفايه زي اللي كان لونهم اسود ...
[b]
اللون يمكن اغمق شويه هو في الصوره باهت شويه بس كمان الذهبي شكله حلو في رايي مش مهم اي حاجه نلبسها المهم انه احنا بنلعب عشان نكسب .
حظ سعيد لضحايا الامتحانات ...ذاكرو كويس و هدو نفسكم و انا هادعيلكم كلكم ..ماتقلقوش ..
هاروح اقعد مع الاطفال شويه ...مش بينامو لسه ..هاحكيلهم قصه بايخه كده كده و اخليهم ينامو ..
اشوفكم بعدين يا جماعه ..
7/3/2010
كتفي ملتهب فباحاول اعالجه ..و بعدن لازم اعاكس بريانكا شوبرالنهارده في المساء عشان جرينثاون اللي هي عاملاه (بريانكا شوبر متبنيه برنامج مع ال ان دي تي في اسمه ان دي تي في جرين غالبا شارو هيطلع فيه كمان بس لسه مش باين
و ليه لازم اكون جد دايما في الدنيا دي (بيسألوه هو ليه دايما بيهزر و يكون ساخر كده ) و بعدين ايه رايكم بقى لو اكتشفنا انه احنا كلنا جزء من ضحكه من القلب في الدنيا دي ..صدقوني هتحسوا احساس وحش قوي لو فضلتو جد طول الوقت !
الاعمال الخيريه بجديه عشان تفكرنا باهمية نفسنا ..فاعملها عشان اللي بيستفيد منها يكون مبسوط مش انت تحس باهميتك !
المحافظه على تركيزك مهم لنجاحك .لازم تفضل مركز بوجه مبتسم كمان و تركيزك ده مش لازم يكون بيخرب احساس حد تاني بالمرح ..
شباب في حد من ريبوك او يا فيشنو ...كل الناس بتسال على التي شيرتات كوم طويل ارجوكم قول لهم ازاي يقدرو يجيبوا (طبعا ردو على طول و ممكن يشتروها من الانترنت ..اكيد انا اشتري فانله الاهلي الاحسن ! مش كده)
لا مش بسمع موسيقى كتير ..(كانت واحد سالته مره بيسمع ايه حتى في الافلام القديمه تقريبا اغنيه واحده - بس بيسمع الااغاني افلامه و لفتره معينه بس !) بس الايام دي زوجتي بتسمعني اغاني اكون عشان اتمنظر كده قدام اكون بالموسيقى بتاعته ..هههه سماك ذات !(اسم اغنيه من اغانيAkon )
قريت في مكان انه مثلي الاعلى هو والدي و والدتي عشان انا ماقدرش انتسب الى اي حاجه من غير مايكون معايا حقوق الملكيه الفكريه كامله .
هالبس اي حاجه عشان اشوف ماتشات كلكتا كانيت رايدرز (فريقه !) كمان حاول تاخدو الموقف الايجابي ده ...
ههه لا خلاص المواد بتاعتي خلصت و عادش لازم اذاكر تاني ما انا قلت كده يا اصدقاء من كام يوم !
(تكمله الموقف الايجابي بقى ) ايوه شعاري الجديد هو لسه في اميال كتير اروحها و لاز م انفذ وعدي بان اكون ...
فعال و اكافح و اكسب ...
يلا لازم اقوم بقى ..الحياه بتناديني ..سلام مع حبي ..
8/3/2010
[center]
[size=21]
باتمنى ان يكون الناس ضحكو في فيلم فير ..و بتمنى يكون الاطفال راحو يذاكرو قرى منوره ..بتمنى الديانه ماتفرقناش و بتمنى الناس يكونو صرحاء في حياتهم ..
دردشت شويه بعد الحفله مع دكتور ذاكير شخصيه مستنيره جدا ...اه في حفله الفيلم فير اداء نيل (نيل نيتين موكيش ) كان مجرد تمثيل هو كان لذيذ قوي و عصبي و هو بيأدي على المسرح (هو طلع مع شارو و سيف في جزء من حفلة الفيلم فير)
قريت انه في واحد عايز يقابلني من غير البودي جارد عشان يضربني ..البودي جارد دول عشان يحموك مني يا صديقي مش العكس .(يا خطر )
اريان معناها ملك الملوك ..و سوهانا يعني سعاده ..
النهارده الفريق طيارته هتنزل في مومباي عشان التدريب متشوق جدا اشوفهم الشباب الجديد اكيد هيلعبو كويس و انا قلقان ليهم ..
عشان بس اقول معلومه للناس اللي بتسال انا ليه مش بعمل افلام كتير ..الفيلم بياخد من 120 الى 140 يوم عشان يتعمل ..
مش ممكن اقدر اعمل اكتر من فيلمين في السنه (واضح انه اتخنق من السؤال ده !)
قلة الذوق مش حاجه حلوة ...و كمان من غير وش كده و ختفيه ورا اسم مش حقيقي ..الاحترام و المحافظه تحت اي اسم في المقابل .
ماقصدتكش انت يا بيجمو انت ظريف ...بس بعض الحمق اللي مش بيفهو اني دييني بيعلمني قوة الاحتمال و الصلاه في حب الله .
اكلت مع ولادي اكل صيني مش مع بريانكا ..بيانكا بس اتكلمنا في التليفزيون في برنامج جرينثون و هي عملت مجهود رائع ..
ديكان تشارج صعب انه يتلعب ..بس خلينا نشوف اولادنا وهو هيبقو رجاله في ليله ..لازم نكسب على الاقل 8 ماتشات المره دي ..
كل مره ماتش ..(بيتكلم على الكريكت و الدوري و الفريق بتاعه )
اعتقد انه دلهي و شيناي فرق حلوة على الورق بس 20/20 صعب التنبؤ بيها هما دول اللفرق اللي لازم نغلبها ..
مافيش فيلم مع كاجول قريب او ياش راج ..و انا بعمل ددلوقتي ار ايه وان و دون 2 بس !
انا و فيشال بناقش حاجات حلوه بس لسه مافيش حاجه ...
مره تانيه صعب جدا ارد ردود فدرديه ... و عشان كده بعتذر ..ودلوقتي هاقوم انام
في سواميس بيبعو البنات و طفله عنده 9 سنين اغتصبت و اتقتلت ..حاجات كتيره قوي بالنسبه للسيدات في حساب السيدات للعالم ..بس لسه شايف فيديو لطفله بتغني دو غزال غزال بنت ...و بيكمل ..
ري شعاع من الشمس الدهبيه ...اتمنى انه يكون في شعاع من الامل الذهبي و كلنا نبتدي نعامل النساء باحترام اكتر و حب (النهاده اليوم العالمي للسيدات او للنساء في العالم حاجه كده زي عيد الام بس للنساء عامة في العالم )
سألت الفريق بتاعي اذا ما كانت النكت اللي قلتها في فيلم فير رخيصه حبيتين و هم قالو لي يا فندم الازمه العالميه ماثره و احنا مانقدرش على تمن النكت الغاليه خلينا نجرب السنه الجايه بقى ! ههههه
شكا لكل امنياتكم للسيدات في العالم ..هاحاول اقرا دلوقتي 140 حرف 140 حرف ..
في ناس بيقولولي ..خلي بالك ماتبوزش صورتك قدام الناس ..الصور لازم تكون مكسوره و بعدين نبني من اول و نصلح ..بس الصو الحقيقه عمرها ما هتتكسر ده في اعتقادي (فلسفه ما تخادوش في بالكم !)
هاقفل عشان اروح اشتغل في العمل الابداعي ..اتمنى انه يكون كويس..عمري ما عرفت ازاي الافكار بتترجم لشريط سينما وازاي هي سهله بس تنفيذها صعبه جدا ! (برضه فلسفه )
9/3/2010
[size=21]
لسه راجع من انطلاق مشروب الطاقه الجديد xxx .قضيت وقت جميل مع فريق الكريكيت و أكون ..كل الناس كان شكلها مبسوط و كويس شكرا يا داف و سوراف .
xxx ده مشروب طاقه زي ريدبول بس انا حاسس انه طعمه يمكن احسن ..عندي حاجه ممكن يخليني ابطل ادخن شويه متهيالي انا محتاج كده (هو اصلا بيقول انه نفسه يبطل تدخين - ربنا يهدي )
و دلوقتي لازم ارجع للشغل ورايا حاجات كتيره قوي تتعمل النهارده و كمان بكره ..لازم اشوف فريقي بيلعب و اسجل مع أكون في ار اي وان ...
11/3/2010
[center]
[size=21]
كنت بساعد في انطلاق و بسجل و بتكلم في التليفون و بتغدى و بحتفل و بكتب و قاعد اقرا و كنت مشغول وآسف اني ماقدرتش اجي اونلاين ..و هاكون معاكم بعدين ...
شكرا لكل النصائح للفريق هوصلها لهم كلها.
لا مش هاكون في دووم 3
لازم ارجع لشغلي ..هاشوفكم بعدين يا اصدقاء بحبكم كلكم و ايوه انا بقرأ كل اللي بتكتبوه ..سلام دلوقتي
بفكر اعمل فيلم عن حقوق المرأه في المجالس النيابيه و الحياه السياسيه .واهو يكون الفيلم ثلثه بنات احسن من الرجاله المشعرين العرقانين في التصوير دول ..ده مش كويس للابداع ..
ياراجل ده انت عملت جنب واحد ضد ايه سي ميلان رولاندنيهو و بيكهام هيفضلو دايما نجوم حلو انه الواحد يشوفهم في الملعب و بحب طريقه لعبهم ..(بيتكلم على فريق الكوره و غالبا لاني مش متابعي الدوري الاروبي بس ده كده شكله ماتش بين ايسي ميلان و مانشستر يونايتد )
اخيرا موقع الكنايت رايدر اتحدث ..كمان هما موجودين على تويتر ..خدو فكره عنه ..كمان هابتدي اكتب في المدونه الخاصه بالفريق لما الماتشات تبتدي ..
شكرا لكم على تويتر بارتي ..بس المفروض البس ايه ؟ متهيالي انا حابب اللي لابسه دلوقتي (قالو له لما تكمل 200 الف متابع على تويتير (طبعا رقم قياسي في وقت صغير جدا )هنعملك حفله و عملو له خلفيه للصفحه بتاعته ..هما نفس الشخصيات بتوع srkangles )
اتحاد الغرف الهنديه للتجاره و الصناعه (هيكرم اسمي خان يوم 16 الجاي مش عارفه السكرين دي وقعت مني !)
الفيلم هيتعرض في سوريا النهارده ..مش قادر اصبر لما اشوف العرض الرئيسي لنسخه اسمي خان في امريكا (يقصد انه يعرض رسميا في كل حته ) هتبقى نقله اتعلم منها كويس ..شكرا يا كاران على انك عملت خان.
ماتش فريق الكريكيت هاتفرج بس في كلكتا و بالطبع هاشوف قبل الهائيات و النهائيات لما نلعبها ..ان شا ءالله اعتقد اننا هانكون في النهائيات ..
طيب كده انا جاهز انام دلوقتي ..الوقت اتاخر قوي و عندي شغل مختلف بكره كمان لازم افتتح العشاء بتاع دوري الكريكت بكره و الخ .لازم اقفل عيني شويه ..بحبكم كلكم..
الخلفيه واحد من فرسان الكتابه ( هو مسمينا فرسان الكتابه و مسمي التيوتير فروسيه الكتابه واضح انه متاثر بالقصص الانجليزيه قوي حتى فريق الكريكت اسمه فرسان كلكلتا ) بس هحطلكم واحده جديده كمان كام يوم ..
ازاي الوقت بيمر بسرعه كده ...احنا مش بنلاحظ حتى وهو يهدوء كده بيتسرب بين ايدينا ..الشباب بقو اقوي مع الوقت دلوقتي و دي اكتر حاجه مرضيه (بيتكلم على فريقه بتاع الكريكيت )
مكالوم و بوند هينضمو بعدين ..بود هيكون هنا على 15 الشهر ده و ماكالوم في ابريل ..اكيد هنشتاقله بس هنفضل اقويا لحد ما يجي معانا (لاعبين استرالين في الفريق بتاع الكريكيت)
امي كانت عندها لكنه حيدر اباديه فظيعه و خاصه لما تبقى متحمسه كده ..كانت اللكنه دي تطلع على طول ...
اعتقد التشكيل بتاع الفريق هيعلن بكره ..او في السايت شوفوه ..هاقبلهم النهارده و هاعرف شويه عن الموضوع
دلوقتي هاقوم احضن شويه ..و احاول ابقى العب مع ولادي شويه من ساعه ما هما خلصو امتحانات و هما متجاهليني هاروح اتغالظ عليهم (معلش مش لاقيه كلمه تانيه غير دي !)
16/3/2010
[center]
شكرا يا جماعه الهديه جميله جدا و قضيت وقت لطيف و انا بشوف ماوراء الكواليس بجد جميل منكم بحبكم كلكم ..
(دي بقى رساله خاصه لينا احنا العرب ) شكرا يا اهل العرب كلكم اهل كرم ولطف جدا .
موسيقى عاليه و رجلين خفيفه و كلام بصوت عالي بس على نطاق واسع
لسه ماقابل جافسكار لارا ..رافي و شاستسري ..اجسام جميله و برفانات غاليه دوري الكريكيت ابتدى ..
انا سعيد بتناقضاتي بتخليني افكر هاشعر ازاي في نفس الحاجه مرتين بطريقتين مختلفتين متهيالي كلنا كده ..
جمال المجهول ..هو ده اللي بيدفعني لقدام حد كان بيسألني عن ايه الدافع بتاعي وانا قلت انه الحقيقه اني مش عارف ايه اللي انا فاهمه صح..
اظافر !!!و بتقولو اظافر (عايز يقول و جالكم قلب !)انا خلصت اظافري في اسمي خان و ماعدش حاجه فاضله لفريق الكريكيت كده متهيالي هاتحول لشعري القصير اشد فيه بقى دلوقتي (بيقولوله زمانك قلقان بقى و قاعد بتاكل في اظافرك من القلق على فريق الكريكت بتاعك )
ياهووو و اخيرا شفت ولادي و الولاد بتوع فريق الكريكيت كلهم مبتسمين ..ان شاء الله الابتسامات هتكمل معانا ..
لسه في اميال نمشيها بس هنوصل اكيد .
ابني عنده اجازه من المدرسه و لسه موصله دلوقتي ..هو ازاي كبر كده كأنه لسه امبارح كان نقطه صغيره بتنبض في رحم امه.
ماشي كده دي اول مجموعه قبل الماتش اللي كانو هيلعبه فريقه في كلكتا ..
اليوم اللي بعده كله كريكيت ..بس ممكن ناخد مقتطفات في
في كلكتا كالعاده جاي على اخر دقيقه ( هو دايما بيتأخر في مواعيده) زغطات و كرم ضيلفه و الخ ..الاداره وارارء الاحداث بتاعة الكريكيت دي بيتذل مجهود جبار شكرا جزيلا لهم كلهم..
حماتي (بتحبه اوي الحاجه ام جوري دي ) اديتني شويه نصائح عن اللعب في الملعب عشان اقولها للفريق بتاعي اقولها لهم فعلا و اضحك معاهم
ياترى قد ايه حضوري مهم كده عشان الفريق يكسب او لا ..بس ده قدر والمفروض اللي في ايدهم يقرورو الماتش يمشي ازاي الناس اللي بتلعب .
زي حلم منتصف ليله صيف ..اصعب دور هو اللي جاي اللي انا لعبته خلاص عدى و راح مع اقصى جهد انا ممكن اعمله ..
حاجه تزعل قوي لو المشاريع الرياضيه دي مش حقيقه .انا ماصدقش كده اعتقد انه الرياضه بتحضر الشباب انهم يواجهو التحديات .
لسه قايل لصحفي اهم هديه خدتها من ابويا و امي هما الصبر و حس الفكاهه و شكله خاب امله يمكنكان متوقع اجابه عاطفيه عن كده
بالنسبه للمثل مهم جدا استغلال المساحه اللي حواليك ..دايما بتلاقي ايحاء لعبارات تقدر تسخدمها في تمثيلك ..
انا بقعد اقرا كل سؤال وكل حاجه بتبعتوها وانا بشوفها ابرد عليها برضه عشان بس اكون وضحت موقفي كويس (ناس كتير بتقعد تقوله مابتردش علينا و بيخنقو عليه بصراحه !فالراجل كتر خيره بيقول كده مع ان في الدقيقه الوحده ممكن يجيله 1000 رساله عادي)
الجمال مش زي النوم في المنطقه المحيطه بالعين ... النوم للناس اللي بتنام و النوم الي بيخلي الناس حلوين ده اكذوبه
وزي مانتو شايفين للي بيخليني جميل مش النوم (فلسفه! بقالو يومين ماقالش حاجه غريبه)
ازاي اقدر اكون فخور بحاجه انا ماعملتهاش ..انا ماعملتش نفسي ..ودي الحقيقه الكامله المشاهدين و المعجبين دول هما اللي بيعملو اي نجم من اي نوع ..
ايوه شفت الفيديو بتاع مونيكا توور شكرا جزيلا (انا حاطة الفيديو في توقيعي حلو قوي على فكره ) الغريب بقى اي فعلا في دقايق كده و صور انا مش فاكر انا عملتها امتى .
هاشوف الماتش في الاستاد لو الاماكن بتاعتنا خالصانه غير كده هاشوفه في الاوتيل مع العائله و ليلت و لارا و براين كلهم هنا (ناس من الفريق بتاعه تقريبا من الاداره ).
بعد ماتش الفريق
عندي صدمه سعاده من رد الفعل على تويتير على ان فريق الكريركت فاز قاللولي ان الفريق كان حديث الساعه على الانترنت االنهارده (امبارح بالليل ) شكرا جزيلا لكم كلكم ..
هاحتفل في مرحله تانيه دلوقتي احنا مركزين جهودنا عشان نفضل محافظين على المستوى الكويس ده و كنت مبسوط قوي في ايدين .
شكرا ليكي يا بريانكا شوبر عشان نورتي الامسيه بحضورك عشان الفريق .كان من الجميل جدا انك تكوني معانا في كلكتا (هي راحت تحضر الماتش في الاستاد عشان تشجع مع شارو )
طيب بعدها بما انه كان موده حلو ومبسوط مننا قال معاكم 10 دقايق تسألو اللي انت عايزينه ..وانا سالت وجاوبني وسط الاسئله دي كلها تعالو نشوف .. هو بيرد على كذا سؤال في نفس الجمله و يفصل بينهم ب /
اكستريم سيتي لا مش نهائي لسه (فيلم عن المافيا وهيتاخد من قصه مشهوره بيقولو انه شارو هيعمله )- ار ايه وان في الاسابيع الجايه بنصوره لسه - جايل رامي رائع (لاعب كريكيت مشهور)- للاسف اضطريت اسيب ريكي لانه ماكانش متوافر و اخدت بداله بوند(كريكيت برضه)
انجلترا عشان نصور ار ايه وان في يونيو - زرارين طول الوقت الا لو لابس كرافته (بيساله كام زرار بتسيبه مفتوح لما تلبس قميص ) - كلكتا تاني يوم 16 بقى عشان الماتش - اه المؤثرات البصريه في الافلام بحبها ..
بكتب الخطابات بتاعتي في الطياره ..- تاتو حلو على الناس الروشه مش على اي حد ! - حوسي هينضم لينا في خلال 3 ايام (كريكيت )- الكتاب بتاعي لازم اخلصه بالانجليزي الاول ...
اه بحب البرتقال - ممكن تناديلي شاروخ كل الناس بتناديني كده نادي عمك بعمي ..(جامده!
) - لا ماعنديش صوره مفضله - زوجتي بتهبتم بحاجات بتهمنيش بس مش الكريكيت ..
لا مش هاعمل دور تخين و اقرع في فيلم ..على الاقل مش دلوقتي - انا سعيد جدا (واحد بتساله حاسس بايه دلوقتي )- جاكيت جلد من فيلم 2ka4 (جاكيت مفضل عنده )- لسه في كلام على افلام مختلفه ..
ايوه هاروح جنوب افريقيا في قبل النهائيات و النهائيات (بيسالوه لو حتروح تشوف ماتشات في كأس العالم لكرة القدم ) -
لا مش بحب اكتب في توتير وانا بتفرج على الفريق بتاع الكريكيت بكون مركز - لا فيلم هاي نيو نير لا مش هاعمله (فيلم فرح خان الجديد).
ايوه باصوم في رمضان ..- اللاب توب بتاعي ماك 17 بوصه (شفته في لقاء مره ماك بروفاشينال لانه ساعت بيحب يشوف خدع بالجرافيك عليه )- ايوه بحب الرقص - 120 موظف في شركتي - انا بحب زويا قوي - جوله حول العالم السنه الجايه يمكن ..
لا مافيش افلام لسه مع اكاي - باخد اجازة الصيف مع اولادي حتى بنروح نتزحلق سوا (مش عارف يتزحلقو فين بس غالبا في البحر لانهم بيحبو يقضو الجازه في دبي عشان الشواطئ) - بقوم من النوم كل يوم عشان ارسم البسمه على وشوش الناس (بيسالوه ايه اللي بيدفعك انك تصحى من النوم كل يوم).
لا لسه مافيش فيلم مع ايشوريا راي - ماعنديش اصحاب كتير - جافسكار دوني و ساشين و كابيل (لاعبين الكريكت المفضلين ) - كالفورنيكاشن و انتروتاج و ديسبرت هاوس وايف (مسلسلاته اللي بيتابعها)- ايوه بصلي ..
اول دخل جالي روحت اشوف تاج اجرا - لامفيش فيلم مع ليناردو دي كابريو - بشتغل بجد اكتر لما احبط من فيلم عملته -
- مايكل شوماخر رائع و من الجميل انه رجع تاني (سائق الفورميلا واحد لمشهور طبعا كان اعتزل و رجع تاني للسباقات)
لا مش بحس بسوء ناحيه القلب المحطم من الحب ..الوقت هيشفيه و كمان لسه في الدنيا كتير عشان صدقيني ..
- ماحدش يقدر يهاجمني - باندليزا ممتعه..
احب انه ولادي يروحو القمر انا مش بحب السفر - بريانكا في دون 2 - انا بستخدم بس نوكيا كزمينكاتور (ده كان سؤالي !)
في كلكتا رايح اتغدى مع عائلتي ..و بعدين التمرين بعدين اجتماع و بعدها هاطير لمومباي ل 8 ساعات
الناس بتدور كتير قوي في تعبيراتي ..انا ممثل و مع بعض الخبره لو بنفع اني اقول كده انتم عمركم ما هتعرفو انا بفكر في ايه ..هههه
من التواريخ السابقه كانت بتبين اننا كنا بنخسر بعد فوز مبدئي ؟! هههههه بس السجلات اللي قبل كده بتقول انه احنا ماكسبناش بس كده بس المره دي لازم نجتهد اكتر ..
انا مش مضطر اسأل اي حد انهيتابعكم يا جماعه ..احنا الاتنين في ده مع بعض كفريق ..نتابع و نقرا لبعضنا بنكتب ايه
وده احسن منتدى بينا ..
طيب دلوقتي لازم اروح الغدا لاحسن زوجتي هتتعصب ..وهما اصلا مسافرين اجازه (هي و الاولاد)
هيوحشوني قوي ...
رجعت البيت (رجع مومباي ) حاسس احساس وحش قوي من غير ولادي حولي ..او انا في كلكتا ..بس لازم اعمل فرمات افسيسي لكارن ..و هارجع بكره على طول ...
20/3/2010
اخر مره شارو كان رايح الماتش و كمان كان رايح مؤتمر ال FICCI اللي قال فيه كلمه
و من يومين خد جايزه ..طبعا اخر يوم كلمنا كان متنمش من يومين و اختفى يومين الدنيا تعبان اكيد..
المهم ظهر امبارح ..
تابعو معانا ...
[center]نبتدي
قابلت جيم من فوكس القرن العشرين و ياش شوبرا و كاران و كاترينا دايمن من الجميل انه نشوف ناس من الصناعه بس بعيدا عن الاستوديوهات و التصوير ..
ايوه معاكم حق اسم بوليود ده مش حلو ..بس هنعمل ايه ده اضيف للمعجم خلاص و احنا مش عايزن نتجادل مع البريطانين من اول و جديد ! مافيش فايده
في طيارة صديقي ...و او فيها انترنت لاسلكي ..جميل جدا ..و انا ارايح اشجع و احمس الفريق بتاعي بس هاحاول انام شويه بعد ما أكل ..( ماكانش نام بقالو يومين زي ما قلنا عشان المؤتمر ده ..و صورلنا نفسه في الطياره شكله مرهق قوي كالعاده في [b]
[center]
بعد ما ختفى يومين ..
رجع ..و بيحكي لنا ..
اخيرا رجعت البيت ..بس العائله مش موجوده ..و مافيش تصوير لمده يومين لحد دلوقتي و عملت تصوير (فوتوغرافي يعني ) الفيلم الجديد ار ايه وان و كارينا جميله جدا ..
بدأت ب ار ايه وان بتنتطق زي ما هي مكتوبه عشان مش عايز حد يتلخبط ما بينه و بين ماني سيرز رافانا (فيلم ابيشيك الجديد)
اصحابي بيتريقو علي شعري ..و بيقولو انه زي حيوان النيص قبل ما يصحى من النوم !بس انا شايف انه حلو انا ماكنتش بسرح شعري كتير دلوقتي مش محتاج خالص اسرحه ! (طبعا انا لما قال حيوا ن النيص دي ما فهمتش بس الله يبارك لنا في عم جوجل شوفو صورته [b]
فيشال شيكر عمل اغنيتين حلوين قوي ..انوباف (المخرج) بيقولي انهم فعلا حلوين بس ماخلانيش اسمعهم بس قال انهم حلوين قوي
و انا بثق في ذوقه
هاحط ار ايه وان الموقع الرسمي قريب ..و بعدين هاقولكم يا جماعه اكيد خلال السنه دي ...و عندي افكار لطيفه للموقع ..
حد كاتب ...انو شعري قليل على راسي و لازم ازرع شويه ...انا ممكن ابدأ شركة تصدير للشعر و مش هاحتاج شركاء ..لأاني شعري كثيف ..(هههه جامده
)
تويتات كتيره قوي و انا حاسس بيكم كلكم ..و انا بقرأهم كلهم اوعدكم ..بس واحده واحده ..هتاخد اليوم كله و مش هاعرف اقول اللي انا عايزة ..
خدت الجايزة من FICCI و بعدين اتعشيت مه طنط هيرو مامة كاران و اتكلمنا عن السحر و اوراق التارووت واللي بتقراها كان عيد ميلادها ..بحبها قوي ..
لا مافيش اي فيلم مع ليوناردو دي كابريو ..بس كنت عايز اقولكم عشان انتو بتسألو كتير عن الموضوع ده ..
انا بس قابلته في برلين مع بول شريدير ..
ماشي وسط الزحمه ..و الناس كانو بيحاولو يسلمو و كده فسعات بتعور مافيش حاجه خطيره ..بس بحط عليها
بلاستر عشان بتلتهب لما بعرق ..
Paposhka- Admin
- المساهمات : 99
تاريخ التسجيل : 04/06/2010
العمر : 36 -
تويتر شهر 3 الجزء الثاني مترجم
من طرف Paposhka الإثنين يونيو 07, 2010 4:27 am
لا هما مش قاصدين ..هما بس بيزقو و يزاحمو بعض ..بتمنى لو وقفو بترتيب شويه هايبقى اسهل اني اسلم عليهم كلهم
بس ده مابيحصلش
لا مش بأؤمن في السحر ..طنط هيرو (ام كاران) كانت بتحكي قصه على معلم (او شيخ طريقه ) روحه دخلت في جسم واحد تاني و غنت و مش عارف كده ...قصه دمها خفيف ..
ايوه انا نايم على روحي دلوقتي ..هاقوم انام ..بقالي كتير سافر وكده ..كمان عيلتي مش في البيت و انا بيكون عندي مشاكل و انام بدري ..وحشوني
قبل ما نبتدي فيلم ..مجموعه الفيلم كلها بنروح كل واحد لمركز ديني و نروح كل واحد فينا يزور و يصلي ..هما في اجمير شريف دلوقتي ..
يا جماعه ممكن تسالوني شويه ..و بعدين هاروح و اعرض عليهم اني اصلي بيهم بعدين ..
فيكتوريا ممثله لطيفه من هولندا ..قابلتها يوم قبل FIccI و عرفتها كويس ..و بعدين حضنتها بهزار كده ..و كله كان عشان نضحك بس ..
اتمرن نص ساعه و كل قليل ..و ماتاكلش حاجه وسط الوجبات عشان يفضل عندك لياقه ..لا مافيش تجمعات عائليه الصبح ..اللي بيخليني عندي دافع .الشغل انا بحب اشتغل ..
هاغير صورتي لنا يبقى عندي واحده جديده - كمل حياتك و الجرح هيطيب و لو حاوت تنساها هاتبقى بتفكر نفسك بيها اكتر ..
الاشاعات متعبه ..دي كل الحكايه - ولادي يعملو اللي يحبوه - النقد بيهم اكتر لو الفيلم فلسفي لو فيلم تجاري مش لو تجاري - الاطفال بيتخانقو كتير و جوري بتصرخ .
النسخة الدوليه من اسمي خان اقصر 35 دقيقه ..لو انتو حابين تشوفو النسخه الكامله استنو لما الفيلم ينزل ديفيدي بعدين بقى - اه عندي توقيع كاميرون على T2 بوستر .(جيمس كاميرون المخرج المشهور و T2 المقصود بيها تيرمناتور 2 فيلم ارنولد شوازنجر المشهور طبعا)
ولادي بينادولي بابا - الجوائز كتير ما شا ءالله - ايوه برنامج سينتا مسلي جدا - القنوات ليها ترتيب مواعيد معين
بحب اعمل مشاهد الاكشن بنفسي هي بتبان مخيفه شويه بس انا اللي بعملها - انا شخص طبيعي بشتغل شغل طبيعي مافيش سبب واضح اني اكون متواضع ..
ايوه صور للكلاب هابقى احطلهم - مش بتفرج على قنوات بعينها عندي شغل كتير عشان لازم اجيب فلوس - انا وسيم على اني اشتغل في السياسه ..
ايوه انا بتول و عندي ولدين بس بالبركه هههه (
) -باولو كوثيلو كتير (كاتب بيحب يقرا له )- بحب شفايف البنات اول حاجه بلاحظها - اكيد اعرف كوسوفو - اتجوز زي ما انت عايز .
لا مافيش اسبانيا السنه دي - الدخول العشوائي الاصدار واحد (اختصار ra1) - المكتبه المفضله في بيتي - هانزلكم البوستر و هاشوف رايكم في الملابس .
ماتشات الفريق في كلكتا بس - بحب افلام الاكشن اكتر- مش بختار بطلات الافلام المخرج هو اللي بيختار - ولادي بيقرو بس مش كتير
مشاكل الفيس بوك مش موضوع كبير لفيلم هندي لسه - الملابس من تصميم بوكارتزمان و تيم فلاتري - مافيش حفلات في المملكه المتحده السنه دي .
طلبت من الكلاب بتوعي اني اصورهم عشان خاطركم يا جماعه بس هما قالولي لا لازم نعمل مكياج و كده ماينفعش يطلع شكلنا وحش على تويتر ..
فلازم تستنوا لحد بكره بقى !
عملت شويه حركات اكشن برضه ..بقالي سنتين ما ننطتش كده ..وحش قوي بس الفريق الامريكي اللي معايا خلوني ادوس زرار بيقول كان سهلل قوي!
مدينه قوا ..فريق جميل ..و مؤشرات كويسه ..بدء التصوير بكره اخيرا هاعمل فيلم اكشن ..و عارف اني هستمتع بالرغم من الجو الحار.
اقوى كلام بيكون عن الضعف ..بس في الافلام الابطال ماعندهمش ولاحاجه من دي..في الحياه الحقيقه من غير الضعف الحياه مش كامله..(واضح ان البطل ايه ..مش سايب حاجه لما نشوف ..
لا مفيش قرايه اليومين دول ..النظام الخدع البصريه مخلي احاسيسنا مش حقيقه حتى ساعات بشوف الواحد مش حقيقي كمان الجرايد مش مسليه
العضلات السته اللي في البطن تبان اكتر مع حميه غذائيه اكتر من التدريب بس ! كمان لازم تكون منتظم و في خلال 30 الى 40 يوم هتبان ..
انا بعمل 100 ضغط في قمة التدريب بتاعي و 60 رفع للجسم اول لما بدات كنت بعمل 5 ضغط و 1 بس رفع بس هتوصل لو استمريت ..
ماقدرش اقولكم بطلو سجاير و انا بشرب عن نفسي .. بس هي اسوا عاده في العالم و انا محتاج ابطلها ..عن قريب ..
لا الاغنيه الترويجيه اللي هعملها لفريق الكريكيت ما اتلغتش ولا حاجه بس التنظيم بتاع الفريق وكده متوقف شويه
لسه قريت تي شيرت حد كاتب عليه السلامه تاتي في المرتبه الثالثه ...طيب ايه اول حاجتين بالنسبه لكم طيب !
ماتاخدهاش مسأله شخصيه ..بس الي باكله و اشربه دي حاجه تخصني انا بس و زهقت من الناس اللي بيقوليلي ازاي امشي على ديني !
في حد بيسالني نفسي اكون مين من الممثلين ..متهيالي هما اللي يحبو يكونو زيي هههههه بضحك معاكم ..
كمان فكره عشوائيه خطرت في بالي مش المفروض انا الاولاد يعني اللي في 25 كده انهم يكون عندهم كرش من البيره و مش عارف ليه بس فكرت اقول كده
اريان كان مسافر مع المدرسه بتاعته في رحله في النهر و مغامره حلوه لازم الاطفال يبعدو شويه و يعتمدو على نفسهم
كمان يعملو انشطه مع المدرسه فعشان كده ماشافش الماتشات اللي فاتت ..
اخر حاجه اوعدكم .اشرب ماء كتير 2 ليتر و كل اكل مسلوق او مشوي عن نفسي بحس المشوي الذ و فكر في انك رفيع فعلا ..السن عمره ماكان مشكله ولاعائق و ماتمشيش ورا حميه جاهزة
في حد سالني بشكل مريع اذا عرفت انه اخر يوم في الحياه النهارده هاعمل ايه ..ههه هاقفل الابرفايل بتاع تويتر خلاص مافيش احداث جديده
الاول قبل ما انسى كانت هبهوبه سالتني على الرساله بتاعته اللي اتكلم فيها على مصر هي الرساله قديمه شويه(ايام ماتش كاس الامم الافريقيه) بس جيبتها ..
انا فاكر مصر كويس قوي ..النهارده انا وكاجول اتكلمنا عنها كتير و لما رحنا صورنا هناك .كل التوفيق في النهائيات و الف مبروك !
في رسايل تانيه كتيره سالوه انت بتحب مصر قالهم اكيد .. بس هو ماقالش انه هيجي قريب
Paposhka- Admin
- المساهمات : 99
تاريخ التسجيل : 04/06/2010
العمر : 36 -
تويتر شهر 3 الجزء الثالث مترجم
من طرف Paposhka الإثنين يونيو 07, 2010 4:30 am
نتابع الجزء الثالث
رحت اتمشى على البحر ..انا مش بحب البحر قوي ..بس حلو ان الواحد يواجه البحر و يحس هو قد ايه صغير قدام الكيان الضخم ده .
عيلتي دي دمها خفيف ..رجعو من الاجازه تعبانين اكتر من لما راحوها ..وكل واحد قام ينام عشان يستريحو ..وانا كمان هاقوم بعدشويه
نظام الرياضه بتاعي : اربع مرات في الاسبوع شيل اوزان حديد او اي حاجه تخليك تعرق .. ماتاكلش رز او عيش مع الاكل و كل مشوي ..
ما اشتغلتش مع كارينا من فتر ه طويله و متهيالي هي اكتر واحد تليق للدور ده ..و كمان من المسلي ان الواحد يشتغل مع صديق و هي ظريفه كمان .
يلا لازم امشي دلوقتي النهارده اول يوم في التصوير و كلهم موجودين يلا خليني اعجبهم النهارده و اكون موجود في ميعادي ..على الاقل اول يوم ! اشفوكم بعدين ..مع حبي
30/3/2010
تابو ممثله المتميزه في وسط مليون عملت معاها لقطه في ساتيا و كنت سعيد جدا ان شاركتها الشاشه ..
التصوير متأخر باليل ابتدا و رجعت تاني للحر خلاني بس عايز اسرح في الفراغ او الخفاء فضلت على الرض مافيش تحليق في الجو..
مشكله فنيه بسيطه و غالبا اليوم جميل حتى لو قدرنا نعمل حاجه لمده دقيقه و نص من الفيلم و الاغنيه بتاخد خمس ايام تقريبا
حقائق : في الرياضه التنافسيه انت كويس طالما انك مستمر في انتصارتك ز كل الكلام عن الرياضه بس بيخرج بره الشباك (عايز يقول مالوش وزن المهم المكسب)
في ناس بتقولي اني مش بعرف اكتب رسايل في تويتر ..قوانين و قواعد ! يمكن انتو اللي مش بتعرفو تقروا اللي انا بكتبه جربو تفكرو كده ..
تصوير حلو النهارده تاني .عندي تصوير بكره لحاجات بشيلها ...هاجرب الشوت لار ايه وان ...مش عارف اجيبها قوي بس من اللي شوفته في امل !
التصوير للفيلم ده زي الحياه ماتعرفش اذا كنت عملت اللي انت عايزه صح و لا لا بي انت مبسوط تنك عملته مع ذلك .
لعبت مع ولادي و ضحكت كتير قوي ..بس ماما زعلت فهما راحو ينامو و ملاكي الصغير نامت بين ايدي من الرائع انه الوحد يكون مريح للدرجه دي ..
التصوير بقى كتير قوي ..النهارده كنا بنخلص الحاجات اللي فاضلنا في الموقع عنا و هنتنقل واحد جديد بكره
كارينا من الرائع العمل معاها دايما مع ساتيش شاه كمان ...
انا بكون في حيز غريب لما بمثل ..زي الفقاعه بتشوف جواها بس العالم مش بيلمسني ..لما كل ده يخلص هابقى اروح اتفرج على ماتشات ..
ولادي راجعين بكره هيوحشوني و اكتر حاجه شعرهم الناعم ده ..غريب مش كده ؟! على العموم هارجع لهم انا تاني بعد اربع ايام من الجميل انه يككون في براءه حولي ..
رحت اتمشى على البحر ..انا مش بحب البحر قوي ..بس حلو ان الواحد يواجه البحر و يحس هو قد ايه صغير قدام الكيان الضخم ده .
عيلتي دي دمها خفيف ..رجعو من الاجازه تعبانين اكتر من لما راحوها ..وكل واحد قام ينام عشان يستريحو ..وانا كمان هاقوم بعدشويه
نظام الرياضه بتاعي : اربع مرات في الاسبوع شيل اوزان حديد او اي حاجه تخليك تعرق .. ماتاكلش رز او عيش مع الاكل و كل مشوي ..
ما اشتغلتش مع كارينا من فتر ه طويله و متهيالي هي اكتر واحد تليق للدور ده ..و كمان من المسلي ان الواحد يشتغل مع صديق و هي ظريفه كمان .
يلا لازم امشي دلوقتي النهارده اول يوم في التصوير و كلهم موجودين يلا خليني اعجبهم النهارده و اكون موجود في ميعادي ..على الاقل اول يوم ! اشفوكم بعدين ..مع حبي
30/3/2010
تابو ممثله المتميزه في وسط مليون عملت معاها لقطه في ساتيا و كنت سعيد جدا ان شاركتها الشاشه ..
التصوير متأخر باليل ابتدا و رجعت تاني للحر خلاني بس عايز اسرح في الفراغ او الخفاء فضلت على الرض مافيش تحليق في الجو..
مشكله فنيه بسيطه و غالبا اليوم جميل حتى لو قدرنا نعمل حاجه لمده دقيقه و نص من الفيلم و الاغنيه بتاخد خمس ايام تقريبا
حقائق : في الرياضه التنافسيه انت كويس طالما انك مستمر في انتصارتك ز كل الكلام عن الرياضه بس بيخرج بره الشباك (عايز يقول مالوش وزن المهم المكسب)
في ناس بتقولي اني مش بعرف اكتب رسايل في تويتر ..قوانين و قواعد ! يمكن انتو اللي مش بتعرفو تقروا اللي انا بكتبه جربو تفكرو كده ..
تصوير حلو النهارده تاني .عندي تصوير بكره لحاجات بشيلها ...هاجرب الشوت لار ايه وان ...مش عارف اجيبها قوي بس من اللي شوفته في امل !
التصوير للفيلم ده زي الحياه ماتعرفش اذا كنت عملت اللي انت عايزه صح و لا لا بي انت مبسوط تنك عملته مع ذلك .
لعبت مع ولادي و ضحكت كتير قوي ..بس ماما زعلت فهما راحو ينامو و ملاكي الصغير نامت بين ايدي من الرائع انه الوحد يكون مريح للدرجه دي ..
التصوير بقى كتير قوي ..النهارده كنا بنخلص الحاجات اللي فاضلنا في الموقع عنا و هنتنقل واحد جديد بكره
كارينا من الرائع العمل معاها دايما مع ساتيش شاه كمان ...
انا بكون في حيز غريب لما بمثل ..زي الفقاعه بتشوف جواها بس العالم مش بيلمسني ..لما كل ده يخلص هابقى اروح اتفرج على ماتشات ..
ولادي راجعين بكره هيوحشوني و اكتر حاجه شعرهم الناعم ده ..غريب مش كده ؟! على العموم هارجع لهم انا تاني بعد اربع ايام من الجميل انه يككون في براءه حولي ..
Paposhka- Admin
- المساهمات : 99
تاريخ التسجيل : 04/06/2010
العمر : 36 -
اشواريا راى- المساهمات : 9
تاريخ التسجيل : 18/06/2010
العمر : 46
مواضيع مماثلة» تويتر شهر ابريل مترجم
» الفيلم الاكشن One.2.Ka.4.DVDRip.XviD مترجم
» تحميل فيلم AsOka الامير أشوكا مترجم وعلى 21 سيرفر
» النسخة الـ DVDRip للفيلم الكوميدى الرومانسى Dulha Mil Gaya 2010 مترجم
» فيلم Billu Barber 2009 بحجم 400MB ساعتان وربع بجودة DVD مترجم
» الفيلم الاكشن One.2.Ka.4.DVDRip.XviD مترجم
» تحميل فيلم AsOka الامير أشوكا مترجم وعلى 21 سيرفر
» النسخة الـ DVDRip للفيلم الكوميدى الرومانسى Dulha Mil Gaya 2010 مترجم
» فيلم Billu Barber 2009 بحجم 400MB ساعتان وربع بجودة DVD مترجم
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» صور الكينج الجزء الاول
» هايات يا جماعة
» صور من فيلم kabhi khushi kabhi gham
» فيلم ماي نيم از خانMy name Is Khan جودة عالية وترجمة احترافية
» من هو الامبراطور خان (الملك سابقا)
» لقاء مع الكينج شاروخان اجرته مجلة L' Officiel الفرنسية
» تويتر شهر 3 من البداية مترجم
» تويتر شهر ابريل مترجم